Vendelbomål

Melodi:  Jens vejmand

Te fest vi no er samle
på Jeres brøllupsdaw,
I såe, at vi sku’ hyg wos,
omkring lidt sulema’
men tenk sæ, lørda’ awten
å hiele nætten mæ’
å om vi det ka’ hå’l te’
hår I mon tent på det.

Ja det er rænt forskrækle
Å kom te’ sånt en fest,
I bil, mæ bus, på cøkel,
Ja, kaski noen te hest.
Hwa tror I int vi døwer,
Mæ de’ å kom her te,
Å så i blæs og rænwer,
Hår I mon tent på det.

Hwa tror I int det koster,
Mæ tøw å opsat ho’r
Ja, spør I bare Tommi,
Haj tjøbt æ slips i go’er.
Se no te Hannes krøller,
Som de er kleppet te’
Å så i bil te’ festen
Hår I mon tent på det.

Hva tror I int a Conny
Hår tjøbt a kræm å fjæt
Å smort sæ’ te’ på hagen,
Ja, det er int så lidt.
Å Finn fæk nye sokker
Mæ striber foran te’
De koste fier kroner
Hår I mon tent på det

Å tenk så ål de gawer
Som vi har goen å tjøbt,
Ja, om vi tenker etter,
Så bløw vi rent forknøt:
Hwa foer vi for en daler
Ja, grumme lidt I væ’
Så vi hår ga’ en femmer
Hår I mon tent på det.

Nå, skit – no er vi kommen
Å kommer nok ijen,
For vi hår int fortrøt æ
At vi tow mæ herhen.
Nej, Vi er vældi’ glå’ for
At vi er kommen mæ,
Å ålt hva vi hår døwet,
La’ vær å tenk på det.

Å vi vil også ønsk Jer
Så monne gång te’løk’
Mæ jeres nye bolig
Som I hår glæ’e jer te’
Å vi er også glå’ for,
At I har fåt æ’ stæ’
Hvor I ka’ ha’ det skjønt
Mæ’ hina’en i monne år.

No vil vi da så slut mæ’
Å ta’ vor glas i håij,
Vi reser vos å skoler
I øl å vil å våj.
Å væ’ I hva vi ønsker
Vi ønsker å vi gtror
At I må løw’ mæ’ wos – ja
I monne, monne or……