Melodi:  Jyden han er stærk og sej
Å hår puttet i mi maw
få det mest a fjowten daw.
Sop å steg, å så dessier
no ka a it få en træwwl nier.
Såen en onden er skam gjæv,
a bløw we te det sa r-æ-v.
wiin å øll, å hwa det kalls,
det er skam godt å få gorglet hals.
Wiin, dæ drak a mindst en spand,
for det minder mest om wand.
A der skrej nier i skrott,
såen en fjowten te femten pott.
A ska aller mir væer sien
te å snop en rewelsbien
mæ’ agorke-servelat,
man vel nok en slaws akrumbat.
Æ dessier den var så flott,
å mi maw så hoer en knot,
men det skrej da nier det skit,
sammel med lidt madumdeirasprit.
No ska vi ha kaff med brøj,
så ka vi ta fat på nøj,
å vi brøler som en tyr,
hwis vi ska ha wos en DOM likyr.
Bette maw, hvis do ku ta,
sikke daw do så ku ha,
håd a blot en strussemaw,
som ku blyw we en trej fier daw.
No a sejer tak for ma,
a hår fåt, hva a ku ha,
tak for lån o knyv å kr-us,
no ska a ud på det bette hus.