Melodi: Jens vejmand
Til gild vi nu er kommen
ved det at I hår bøjn
I sae at vi sku hyg wos
omkring lidt fjædt og brød
men tænk en lørdag avten
og uen fjernsyn te
hva nu mæ underholdning?
hår I mon tænkt po det?
Ja det er rent forskrækle
å kom te så’en fest
i bil – mæ bus – po cykel
ja kanske nogen kom te hest
hva tror I int vi døwer
mæ det å kom her’ te?
å så i blæst og regnvejr
hår I mon tænkt po det?
Hva tror I int det koster
mæ tøv og opsat hoer?
ja se I kuns Jer datter
hun fik en kjowl i goer
se nu til vore krøller
som de er klippet te’
og dem der hår bårnpie
hår I mon tænkt po det?
Hva tror I int vi damer
hår kjøvt a krem og fjedt?
å smurt wos te i hodet
nej det er int så lidt
å manne hår fåt strømper
med prikker foran te’
de koster 30 kroner
hår I mon tænkt po det?
I hår så gue ønsker
som I hår skreven om
men pænge kan ej plukkes
og kassen den vår tom
så gik vi hen i banken
å fik en lille lån
hvordan ska’ det betåles?
hår I mon tænkt po det?
Nå skidt – nu er vi kommen
og kommer nok igjen
for vi hår int fortrødt det
at vi tow hiel herhen
nej vi er vældig glåe for
at vi er kommen mæ
a alt hwa vi hår døwet
LA VÆR Å TÆNK PO DET